Көлік логистикасы

Бұл білім беру бағдарламасы аясында құқықтану, экономика, математика, ақпараттық технологиялар саласында білімі бар жоғары білікті мамандар дайындаймыз. Логистиканың бейіндік саласы жүк жеткізудің барлық кезеңдерін қамтиды: жеткізу схемасын жасау, есептеулер, көлік қызметтері нарығын талдау мен сенімді серіктестер іздеу, тауарды жеткізу және оны қаттау, сондай-ақ құжат айналымы.

«Логистика» бағдарламасын таңдап, сіз «Көлік логистикасы» немесе «Өндірістік логистика» сияқты мамандандырудың біреуін игере аласыз. Біздің түлектеріміздің үлкен басымдығы мемлекеттік тілді, неміс және ағылшын тілдерін еркін меңгеруі болып табылады. Бейіндік пәндерді Германиядан шақыртылған доценттер жүргізеді.

Модульдер:

• Логистикадағы экономикалық аспектілер
• Логистикалық процестердің негіздері
• Логистикалық менеджмент
• Логистикадағы ақпараттық ресурстарды басқару
• Сыртқы экономикалық қызметті көлікпен қамтамасыз ету

Мансап

«Логистика» бағдарламасының түлектері түрлі қызмет көрсету салаларындағы компанияларға жұмысқа орналаса алады:

• Өндірістік кәсіпорындар;
• Көп бөлімшелі компанияларда;
• Сауда компаниялары;
• Ірі желілі дүкендер;
• Көтерме және логистикалық орталықтар;
• Көлік компаниялары.