«Қалалық логистикаға арналған жаңа шешімдер» онлайн-семинары өтті
2021 жылғы 30 сәуірде «Қалалық логистикаға арналған жаңа шешімдер» тақырыбында онлайн-семинар өтті, оның ұйымдастырушысы DKU LogCentre логистиканың коммуникациялық және трансферлік орталығы болды. Бұл семинар Қазақстандағы Cargo Bike және жергілікті логистикалық хабтарды көбірек пайдалануға бағдарланған жаңа тұрақты шешімдерді ілгерілетуге бағытталған жобаның бір бөлігі болып табылады.
Семинарға Қазақстанның жеті университетінің студенттері, сондай-ақ көлік компанияларының өкілдері мен әкімдік өкілдері қатысты.
Семинардың спикері Магдебург университетіндегі зерттеу тобының жетекшісі Том Ассман болды. Том — қалалық логистиканы, тұрақты логистикаға арналған жаңа технологияларды жоспарлау бойынша маман.
Семинар қатысушылары келесі тақырыптарды талқылады:
- Қалалық қайта құрудың шұғыл қажеттілігі.
- Қалалық логистика мәселелері.
- Қалалық логистиканың қысқаша теориясы.
- Жасыл қалалық логистикаға шолу.
Қалалық логистиканың өзгеруі қалалардың экологиялық жағдайын жақсарту үшін өте маңызды. Қаланы тұрақты дамыту мақсатына жету үшін бірқатар құралдар қажет болады: қоғамның жалпы құндылықтарына әсер ету, цифрландыру, ынталандыратын өмір салтын дамыту, қала инфрақұрылымын жақсарту, жасыл технологияларды пайдалану.
Талқылау барысында Алматыдағы қалалық логистиканың бірнеше негізгі проблемалары анықталды. Оның ішінде: қажетті инфрақұрылымның жоқтығы, кептелістердің көптігі, велосипед жолдарының жеткілікті мөлшерінің болмауы, Қазақстандағы велосипед жолдарына қатысты жол қозғалысы ережелерінің шектелуі, инфрақұрылымның байланысы және бір желідегі қауіпсіздік.
Семинарға қатысушылар проблемалардың болуы дамуға кедергі болмауы керек, керісінше шешімдерді табуға түрткі болады деп қорытындылады.
Семинар спикері Том Асман келесі шешімдерді ұсынды:
- Қолданыстағы (көше) инфрақұрылымды пайдалану.
- Көлік ағынының төмендеуі.
- Логистика және белсенді қозғалыс режимдері үшін жеткілікті кеңістік құру.
- Белсенді ұтқырлық режимі үшін қуат пен сапаның жоғарылауы.
- Тыныш және жайлы қозғалыс үшін көшелерді қалпына келтіру.
- Жаңа кең инфрақұрылымнан аулақ болу.
Келесі семинарда қатысушылардың қалалық логистиканы оңтайландыру бойынша, оның ішінде «Жүк велосипедтері және оларды қалалық логистика жүйесінде пайдалану үшін қажетті модификациялау, әлем қалаларының тәжірибесінен түрлі мысалдарды талдау жолымен» бағыты бойынша басқа да ұсыныстары таныстырылады.
Екінші семинарды өткізу күні: 27 мамыр 2021 ж.
Уақыты: 15−00-ден 17−00-ге дейін (Нұр-Сұлтан қ. уақытымен).
Тақырып: «Жүк велосипеді - қалалық логистиканың ескі жаңа құралы».
Тіркелу сілтеме бойынша:
https://docs.google.com/forms/d/1rrVwExvw5P5jP6uwH77P--Qu5qnDqkXlBuPEFiX0eak/edit