DKU қызметкерлері «Қазақстандағы су және климаттың өзгеруі" вебинарына қатысты

Су ресурстарын тиімді басқару үшін жасанды интеллект, қашықтықтан зондтау және басқа да заманауи технологиялар көбірек пайдаланылатынын білесіз бе?

2020 жылдың 28 қазанында қазақстандық және Нидерландтық сарапшылар «Қазақстандағы су және климаттың өзгеруі" вебинарында кездесті.

Вебинар Нидерланд-Қазақстан бизнес қауымдастығының (NKBA) платформасында Қазақстан мен Нидерланды елшіліктерінің бірлескен қолдауымен өтті.

Вебинардың спикерлері:

— М. Аяшев, ҚР ЭГТРМ су ресурстары комитеті төрағасының орынбасары;

— Р. Бош, Нидерландыдан климаттың өзгеруі және Орталық Азиядағы су ресурстарын басқару мәселелері бойынша тәуелсіз сарапшы;

— К. Мейер, «Дельтарес» су мәселелері жөніндегі жетекші зерттеу институтының сарапшысы;

Сонымен қатар, біздің Институттың атынан

— Б. Януш-Павлетта, Қазақстан-Неміс университетінің Су ресурстарын басқару жөніндегі ЮНЕСКО кафедрасының жетекшісі;

— Л. Когутенко, Қазақстан-Неміс университетінің «Су ресурстарын біріктірілген басқару» магистрлік бағдарламасының үйлестірушісі.

Іс-шараға ҚР ЭГТРМ су ресурстары комитетінің өкілдері, Қазақстанның Нидерландтағы Елшілігінің атташесі М. Қаражігітова, Қазақстандағы Нидерланды Елшілігінің аға экономикалық қызметкері
К. Болатұлы, сондай-ақ қазақстандық және Нидерландтық компаниялар мен институттардың өкілдері қатысты.

Қатысушылар Батыс Қазақстан облысындағы өзендердің таяз суларымен, Каспий теңізіндегі су деңгейінің төмендеуімен, су сапасымен байланысты ағымдағы проблемалар бойынша пікір алмасты, сондай-ақ климаттың өзгеруінің болашақтағы ахуалдың дамуына әсері мәселесін талқылады.

Келесі осындай іс-шараны өткізу 2020 жылғы 25 қарашаға жоспарланған.

Дереккөз: www.gov.kz/memleket/entities/mfa-hague/press/news/details/115566?lang=ru