30 және 31 Наурызда Түрікменстанда тұрақты даму мақсаттары бойынша студенттік Олимпиада өтті
2021 жылғы 30 және 31 Наурызда Түрікменстанда ұлттық деңгейде тұрақты даму мақсаттары бойынша студенттік Олимпиада өтті.
Іс-шара өңір атынан өкілдік ететін болашақ мамандардың әлеуетін арттыруға ықпал етті.
Олимпиаданың ресми ашылуы Қазақстан-Неміс университетінің (DKU) серіктес ЖОО болып табылатын С.А. Ниязов атындағы Түрікмен ауыл шаруашылығы университетінің қабырғасында өтті.
Студенттік Олимпиада № 6, 7, 9 және 13 тұрақты даму мақсаттарын қозғап, келесі үш секцияны қамтыды:
- Су ресурстарын бірігіп басқару,
- Климаттың өзгеруі және таза энергия,
- Индустрияландыру, инновациялар және инфрақұрылым.
Олимпиада онлайн форматында өткен 2 кезеңнен тұрды:
- кезең — жазбаша тестілеу,
- кезең — ауызша тестілеу қазылар алқасымен (сұхбаттасу).
1-ші кезеңге қатысушылардың жалпы саны Түрікменстанның жоғары оқу орындарынан шамамен 70 студентті құрады. Келесі сұхбатқа тестілеуде ең көп балл жинаған қатысушылар шақырылды.
Жазбаша және ауызша кезең арасында «Су күні" семинары ұйымдастырылды, онда студенттер қысқа презентацияларын ұсынып, тәжірибе, білім және дағдылармен алмасу мүмкіндігіне ие болды.
2 кезеңнің жеңімпаздары олимпиаданың аймақтық кезеңіне қатысу туралы электрондық пошта арқылы хабарланады.
DKU С.А. Ниязов атындағы Түрікмен ауылшаруашылық университетіне және Түрікменстанның басқа жоғары оқу орындарына Олимпиаданы өткізуге мүмкіндік пен жағдай жасағаны үшін үлкен алғыс білдіреді.
Іс-шараны DKU Табиғи ресурстар институты «CAY4W» Орталық Азия су жөніндегі жастар желісімен бірлесе отырып, Швейцария даму және ынтымақтастық жөніндегі агенттігі (SDC) мен Дүниежүзілік банктің қаржылық қолдауымен, сондай-ақ жаһандық су әріптестігінің және Азия мен Тынық мұхитқа арналған экономикалық және әлеуметтік комиссияның (АТМЭӘК) сараптамалық қолдауымен БҰҰ-ның Алматы қаласындағы ақпараттық орталығымен бірлесіп ұйымдастырды.