Инновация — экономикалық өсудің қозғаушы күші!
2020 жылдың 18 ақпанында Ресей-Герман Сыртқы сауда палатасы (КТП) Германияның
сауда-өнеркәсіп палаталары бірлестігімен (DIHK) бірлесіп Германиядағы Ресейдің инвестициялық имиджін жақсарту бойынша жыл сайынғы конференция өткізді. Конференция Германияның Сауда-өнеркәсіп палаталары бірлестігінің ғимаратында (DIHK) өтті.
Ресей-герман сыртқы сауда палатасы Германияның сауда-өнеркәсіп палаталары бірлестігімен (DIHK) бірлесіп Берлиндегі неміс экономика үйінде жыл сайын Ресей мен Германия арасындағы стратегиялық ынтымақтастық бойынша өңіраралық конференцияны ұйымдастырады. Оған компанияның 500-ден астам өкілі, сондай-ақ Ресейдегі инвестициялық ахуалды және оның экономикалық саясатын дамытудың одан әрі стратегиялық бағыттарын талқылайтын саясат пен экономика саласынан келген көптеген қонақтар қатысады.
Конференцияға Германияның экономика және энергетика министрі Петер Альтмайер, Ресейдің экономикалық даму министрі Максим Решетников және Ресейдің өнеркәсіп және сауда министрі Денис Мантуров қатысты.
Халықаралық ынтымақтастық жөніндегі Қазақстан-Неміс университетінің проректоры Барбара Януш-Павлетта DKU мен Ресей-Герман сыртқы сауда палатасы арасындағы ынтымақтастық туралы Меморандумға қол қою үшін конференцияда біздің университетті таныстырды.
